ឯកឧត្តម អ៊ុន ចាន់ដា ចុះសំណេះសំណាល និងនាំយកអំណោយមនុស្សធម៌ ជូនពលរដ្ឋរងគ្រោះ និងប្រឈមការបាក់ស្រុតច្រាំងទន្លេ ២៣គ្រួសារ នៅស្រុកស្រីសន្ធរ

ខេត្តកំពង់ចាម៖ នាព្រឹកថ្ងៃសៅរ៍ ទី១៩ ខែកញ្ញា ឆ្នាំ២០២៦ ឯកឧត្តម អ៊ុន ចាន់ដា អភិបាលខេត្តកំពង់ចាម និងជាប្រធានគណៈកម្មាធិការខេត្តគ្រប់គ្រងគ្រោះមហន្តរាយ បានដឹកនាំមន្ត្រីជំនាញ និងអាជ្ញាធរមូលដ្ឋាន ចុះជួបសំណេះសំណាល និងនាំយកអំណោយមនុស្សធម៌ ជូនប្រជាពលរដ្ឋរងគ្រោះ និងប្រឈមការរុះរើផ្ទះសរុបចំនួន ២៣គ្រួសារ ដោយសារការបាក់ស្រុតដីច្រាំងទន្លេ ស្ថិតនៅបរិវេណវិទ្យាល័យ ហេង សំរិន ឫស្សីស្រុក ស្រុកស្រីសន្ធរ។

   * អំណោយឧបត្ថម្ភក្នុង ១គ្រួសារ ទទួលបាន៖

   * អង្ករ ២៥គីឡូក្រាម

   * មី ១កេស

   * ត្រីខ ១កេស

   * ទឹកត្រី ១យួរ

   * ទឹកស៊ីអ៊ីវ ១យួរ

   * ឃីត ១កញ្ចប់

   * ទឹកសុទ្ធ ១កេស

   * តង់ ១

   * ថវិកា ៤០ម៉ឺនរៀល

ការឧបត្ថម្ភបន្ថែម៖ រដ្ឋបាលឃុំទាំង៤ រួមមាន ឃុំមានជ័យ ឃុំព្រែកពោធិ៍ ឃុំឫស្សីស្រុក និងឃុំកោះអណ្តែត ដោយក្នុងមួយឃុំទទួលបានថវិកា ៥០ម៉ឺនរៀល។