ទីបំផុត ជនរងគ្រោះជាពលករ ដែលរងគ្រោះ ដោយសារក្រុមហ៊ុនហ្វាទីណា FATINA ត្រូវបានដោះស្រាយក្រោមការសម្របសម្រួល ពីក្រសួងការងារ

ទីបំផុត ជនរងគ្រោះជាពលករ ដែលរងគ្រោះ ដោយសារក្រុមហ៊ុនហ្វាទីណា FATINA ត្រូវបានដោះស្រាយក្រោមការសម្របសម្រួល ពីក្រសួងការងារ

រាជធានីភ្នំពេញ៖ បន្ទាប់ពីអង្គភាពសារព័ត៌មាន កងមាស ញូស៍ ទទួលបានការពឹងពាក់ឲ្យជួយ ពីសំណាក់ជនរងគ្រោះ ដែលជាជាពលករ និងបានធ្វើចុះផ្សាយ
អំពីទង្វើឆបោក របស់ក្រុមហ៊ុន «ហ្វាទីណា FATINA» ដែលជាក្រុមហ៊ុនបញ្ជូនពលករទៅធ្វើការនៅប្រទេសក្រៅ!!
ពេលនេះនា រសៀលថ្ងៃទី២៩ ខែឧសភា ឆ្នាំ២០២៦នេះ ប្រជាពលរដ្ឋកម្ពុជា ដែលជាពលករទាំងអស់នោះ
កំពុងត្រូវបានដោះស្រាយ ក្រោមការយកចិត្តទុកពីក្រសួងការងារ និងបណ្តុះបណ្តាលវិជ្ជាជីវៈ។

តាមការបញ្ជាក់ឲ្យដឹងពីជនរងគ្រោះបានឲ្យសារព័ត៌មានយើងដឹង នាល្ងាចថ្ងៃទី២៩ ឧសភា នេះថា៖
«ពួកខ្លួនទាំងអស់គ្នាកំពុងទទួលបានដំណោះស្រាយហើយ ក្រោមការសម្របសម្រួលយ៉ាងយកចិត្តទុកដាក់ ពី ក្រសួងការងារ និងបណ្ដុះបណ្ដាលវិជ្ជាជីវៈ ដោយក្រុមហ៊ុនហ្វាទីណា FATINA បានចាត់តំណាងឲ្យចូលខ្លួនដោះស្រាយ និង បានព្រមព្រៀងថាប្រគល់ប្រាក់គ្រប់ចំនួន ឲ្យមកពួកខ្លួន ដែលជាជនរងគ្រោះគ្រប់ៗគ្នាវិញ។

ប្រជាពលរដ្ឋដែលជាជនរងគ្រោះ ទាំងនោះបានបន្តថា៖
«ភាគីក្រុមហ៊ុន សន្យាថាសង់ប្រាក់វិញ និងធ្វើការប្រគល់ប្រាក់ឲ្យពួកខ្លួនដែលជាពលករ ចំនួនហាសិបភាគរយមុន (៥០%) នៃចំនួនទឹកប្រាក់ដែលក្រុមហ៊ុនធ្លាប់បានឆបោក!!
ហើយទឹកប្រាក់ចំនួន ៥០ភាគរយ នេះ គឺភាគីខាងក្រុមហ៊ុននិងសម្រេចប្រគល់ឲ្យនៅសប្តាហ៍ទី១ ក្នុងខែមិថុនា ឆ្នាំ២០២៦ខាងមុខនេះតែម្តង!!

ចំណែកឯទឹកប្រាក់នៅសេសសល់ចំនួន ៥០ភាគរយទៀត គឺភាគីក្រុមហ៊ុន និងសន្យាថា ប្រគល់ឲ្យគ្រប់ចំនួននៅសប្តាហ៍ទី៤ ក្នុងខែមិថុនា ឆ្នាំ២០២៦ ដើម្បីបញ្ចប់រឿង។

យ៉ាងណាទោះបីជាមានកិច្ចព្រមព្រៀង យ៉ាងរឹងមាំ ដែលចេញដោយក្រសួងការងារ ក៏ជនរងគ្រោះដែលជាពលករទាំងអស់នោះ
នៅតែបន្តសំដែងនូវក្តីបារម្ភជាខ្លាំង ដោយសារហេតុផល នៅក្នុងអំណត់ហេតុបានតម្រូវឱ្យ ប្រជាពលរដ្ឋដែលជាជនរងគ្រោះ ដកពាក្យបណ្តឹងចេញពីស្នងការដ្ឋាននគរបាលរាជធានីភ្នំពេញ និងធ្វើការលុបព័ត៌មានចេញពីបណ្តាញផ្សព្វផ្សាយទាំងអស់ និងហាមដាច់ខាតមិនឲ្យជនរងគ្រោះបន្តផុសព័ត៌មានថ្មីទៀតនោះទេ។

សូមបញ្ជាក់ជូនដែរថា៖ ក្រុមហ៊ុនហ្វាទីណា FATINA គឺជាក្រុមហ៊ុនមួយ ទទួលបង្រៀននិងបញ្ជូនពលករទៅធ្វើការនៅប្រទេសក្រៅ ដែលមានឈ្មោះ ស្វាយ សុគន្ធណារី ជាអគ្គនាយិការក្រុមហ៊ុន
ហើយស្វាយ សុគន្ធណារី បានតម្រូវឱ្យប្រជាពលរដ្ឋក្នុងម្នាក់ៗធ្វើការបង់ប្រាក់ចាប់ពី ៥ពាន់៥ រយដុល្លារ (5500$)
និង ៣ ពាន់ ៥ រយដុល្លារ (3500) តាមវគ្គនីមួយៗ ដើម្បីជាថ្នូររត់ការឯកសារ ឲ្យមានឈ្មោះទៅបម្រើការងារនៅឯប្រទេសប៉ូឡូញ។

បន្ទាប់មកក្រុមហ៊ុនហ្វាទីណា ដែលមានឈ្មោះ ស្វាយ សុគន្ធណារី ជាអគ្គនាយិការ រូបនេះ ក៏បានប្រមូលលុយពីប្រជាពលរដ្ឋ ដែលជាអ្នកចុះឈ្មោះទាំងអស់នោះ បានតាមដែលចិត្តចង់បាន រួចហើយក៏ ស្វាយ សុគន្ធណារី បានបិទទ្វារក្រុមហ៊ុនវិចលុយរត់គេចខ្លួនបាត់ស្រមោល សូម្បីតែដានជើងក៏រកមិនឃើញ៕